• Search

Preguntanan komun

Last update: January 28, 2021

Preguntanan komun di klientenan di Girobank NV.

HIPOTEK I FIANSA (Inkl. fiansa personal i outo)

  1. Mi tin ku sigui paga mi fiansa/hipotek?
    Bo tin ku sigui paga bo fiansa/hipotek segun términonan akordá den bo akuerdo di fiansa/hipotek. No opstante e sirkunstansianan di Girobank NV, e kliente tin e deber di kaba di paga e fiansa kompletu. Si un kliente ta transferí pa un otro banko, e ta keda responsabel pa kaba di paga su fiansa.
     
  2. Mi tin ku paga un but si mi sera òf kaba di paga mi fiansa trempan?
    Proseduranan di Girobank NV ta stipulá ku mester paga un but si bo kaba di paga bo fiansa trempan. Konsiderando e sirkunstansianan Girobank NV ta dispuesto pa no kobra e but.
     
  3. Te ki dia mi mester paga mi fiansa/hipotek na Girobank NV i ki dia mester kuminsá paga GI-RO Settlement Holding N.V.? 
    Fiadonan mester kumpli ku nan obligashonnan di pago na Girobank NV segun e akuerdo palabra. Kualkier kambio lo wòrdu komuniká na debido tempu.
     
  4. Mi por haña un deskuento riba mi fiansa òf hipotek si mi paga mi debe den un tiru? 
    No, pero Girobank NV ta kanselá e but pa pago tempran.

 

TARHETA DI KRÉDITO

  1. Mi mester saka tur mi fondonan mesora? 
    No ta nesesario lanta tur bo fondonan mesora. Un máksimo di NAf 10.000,- ta garantisá pa kada kliente. 
     
  2. Kon mi por lanta mi sèn for di mi kuentanan bankario? 
    Por hasi esaki na tur manera usual: na un sukursal di Girobank NV, ATM i pa medio di online banking.
     
  3. Kiko ta e montante máksimo ku mi lanta na un sukursal di Girobank NV? 
    E montante máksimo ku por lanta na un sukursal ta NAf 10.000,-. Montantenan despositá despues di 10 di desèmber 2019 por wòrdu aksesá. Por wak tambe pregunta 1 bou di "Otro". 
     
  4. Kiko ta e montante máksimo ku mi lanta na un ATM di Girobank NV? 
    E montante máksimo ku por lanta na un ATM ta NAf 1.000,-.
     
  5. Mi por lanta sèn for di mi kuenta pa medio di ATM di otro banko? 
    Si, por lanta fondonan for di un ATM di un otro banko ku no ta Girobank NV.
     
  6. Kiko ta e montante máksimo ku mi lanta na un ATM di otro banko? 
    E montante máksimo ku por lanta na un ATM ta NAf 1.000,-.
     
  7. Pa kuantu tempu mi por aksesá mi online banking di Girobank NV? 
    Online banking lo ta disponibel te próksimo aviso. Lo avisá 30 dia adelantá na momentu ku lo terminá e servisio.
     
  8. Kiko mi tin ku trese pa sera mi kuenta(nan)? 
    Pa sera bo kuenta mester trese un ID bálido.
     
  9. Mi mester habri un kuenta na un otro banko komersial? 
    Si bo tin un kuenta bankario solamente na Girobank, ta nesesario pa habri un kuenta bankario na un otro banko komersial.
     
  10. Kon lihé mi mester habri un kuenta na un otro banko? 
    Mirando ku ta tuma algun tempu pa habri un kuenta bankario na un banko komersial, nos ta enkurashá bo pa hasi esaki mas pronto ku ta posibel.
     
  11. Si mi tin un kuenta koriente i un kuenta di spar ku kada NAf. 10.000,- òf mas, mi tin derechi di lanta NAf 10.000,- di kada kuenta? 
    No, e máksimo montante garantisá ta NAF 10.000,- pa kliente.
     
  12. Si mi yu tin un kuenta di spar i ami tambe ta ko-firmadó di e kuenta, nos tur dos tin derechi di lanta NAf 10.000,-?  
    E doño di kuenta òf ko-firmadó, ku ta representá e kuenta, por lanta un suma di máksimo NAf 10.000,-.
     
  13. Si mi pareha i ami tin un kuenta koriente huntu, nos kada un por lanta NAf 10.000,-?
    No, bo tin derechi di lanta fondonan for di bo kuenta, garantisá pa CBCS, te ku un montante máksimo di NAf 10.000,-.
     
  14. Ki dia lo mi haña akseso na e montante riba NAf 10.000,-? 
    Depositantenan lo risibi un karta na komienso di 2021 ku mas informashon riba pagonan i e maneho administrativo di nan kuenta.

 

SEGURO

  1. E kobertura di mi seguro ta bálido ainda?  
    Si. Girobank NV ta fungi komo un intermediario pa diferente kompania di seguro i no ta esun ku ta segurá mes. Asina ta ku bo kobertura ta keda vigente.
     
  2. Pa kuantu tempu mi seguro ta kubri mi propiedatnan?  
    Mirando ku Girobank NV ta fungi komo un broker pa kompanianan di seguro, bo kobertura no ta terminá pa motibu di e moratorio.


OTRO

  1. Kiko ta pasa si mi tin NAf 10.000,- riba mi kuenta awor i un hende depositá mas fondo riba mi kuenta despues di awe? Mi ta pèrdè akseso na e fondonan nobo?
    No, bo no ta pèrdè akseso na e fondonan nobo. Si bo tabata tin mas ku NAf 10.000,- riba bo kuenta promé dia 10 di desèmber 2019, e montante riba e NAf 10.000,- lo ta blòkiá.  Montantenan despositá despues di 10 di desèmber 2019 por wòrdu aksesá.
     
  2. Kiko ta pasa ku chèknan ku mi tin pendiente pa kobra? Nan ta inkluí den e suma di NAf. 10.000 òf ta kita esaki for di esun ku mester a paga?
    No por kobra cheknan di Girobank NV  mas, ni na Girobank NV i tampoko na otro bankonan komersial.
     
  3. Kon mi por mira mi saldo bankario na momento ku GI-RO Settlement Holding N.V. ta aktivo? 
    E informashon aki lo wòrdu komuniká na debido tempu.
     
  4. Kua ATM te ainda ta operashonal?
    Ta trata e ATM nan na e sukursal di Skalo i Janwe.
     
  5. Kua sukursal ta habri pa publiko
    E sukursalnan na Scharloo i Janwe ta habri di djaluna pa djabierne di 8'or di mainta te ku 3.30 di atardi.
     
  6. Kon mi por drenta den kontako ku GI-RO Settlement Holding N.V.?
    E informashon aki lo wòrdu komuniká na debido tempu.


Pa kualke otro pregunta, por fabor usa giro@centralbank.cw of tuma kontakto ku nos helpdesk na  +599 9 433 9130.

Last updated: 04.02.2021 08:02